Аҵыхәтәантәи ашықәсқәа рзы Аԥсуа театр аҿы Коӷониаԥҳа дыхәмарит еиуеиԥшым ароль шьахәқәа арежиссиор Мадина Аргәынԥҳа лҿы: Мадам Беф - "Аԥынҵатәыҩақәа" (Е.Ионеско); Ацыган ԥҳәыс Чора - "Аешелон" (М.Рошьин); Аоркестр иалоу аԥҳәызба -"Аџьаз иалоу ҭыԥҳацәоуп" (Б.Уаилдер), иара убасгьы Иаза аспектакль "Ҳауа идагәада?" аҿы.

Уи анаҩсгьы, Коӷониаԥҳа акиносахьақәа «Две двери», «Однажды в Абхазии» рҿы ҟазарала арольқәа налыгӡеит.

Елеонора Коӷониаԥҳа иара убасгьы дахәҭакуп шықәсык еиҳаны инаҳагӡо апроект "Атеатр аҿы ахәылԥаз" - лара ашколхәыҷқәа аекскурсиа рзымҩаԥылгоит, аинтерес ду аҵаны ирызналгоит Аԥсуа театр аҭоурых.

Ҭакԥхықәрала зус иазнеиуа актриса Елеонора Коӷониаԥҳа илзеиӷьаҳшьоит зегь ирыцку агәабзиара, аманшәалара, ақәҿиарақәа арҿиараҿы, ароль шьахәқәа.