Асценаҿы иаԥылҵо, ҭеиҭыԥшлеи аҩнуҵҟатәи ԥсабаралеи уҳәа еиуеиԥшым ахаҿсахьақәа даара иҵауланы аус рыдулара зылшо актрисоуп.

Лара илыхәмархьоу арольқәа иреиуоуп: Амаҵуҩԥҳәыс «Бернарда Альба лыҩны» (Ф.Г.Лорка), Илиушьа иԥшәмаԥҳәыс «Ҳауа идагәада?» (Шь. Ҷкадуа), Селма - «Асду» (А.Гогәуа), ахҵәаҩы-"Ешелон" (М.Рошьин) уҳәа егьырҭгьы.

Еснагь зхы-зҿы лашауа Елизавета Чкотуаԥҳа ԥхаррала илзыҟоу Аԥсуа театр аколлектив лиирамш лыдырныҳәалоит.

Зегь раԥхьаӡа инаргыланы, илзеиӷьаршьоит агәабзиареи агәамчи, хымԥада иара убасгьы, ҵҩа змам ишьахәу арольқәа!