Шьахәла иналыгӡахьоу арольқәа маҷым, урҭ иреиуоуп: Кека «Кьоџьаа рҭыӡшәа» (К. Гольдони), Маиана лхаҿсахьа аспектакль «Махаз» (Ф. Искандер), Амза «Аԥсҳа Леон» (А. Агрба), афранцыз ҭыԥҳа «Хәажәкыра ԥшьба» (Ш. Аџьынџьал) уҳәа.

Мзеиа Џьафар-иԥҳа иара убасгьы акинофильмқәа «Олимпиус инферно» (ареж. И.Волошин) «Август. Восьмого» (ареж. Д. Фаизиев), «У каждого своя война» (ареж. З. Роизман) уҳәа рҿы еиуеиԥшым арольқәа қәҿиарала иналыгӡеит.

Аԥсуа театр аколлектив гәыкала илыдырныҳәалоит Мзеиа Џьафар-иԥҳа лиирамш. Илзеиӷьаҳшьоит зегь ирыҵку агәабзиара, агәамч, ақәҿиарақәа.